प्रिन्सलाई दोहोरो सफलता

काठमाडौं । नेपालका उदियमान ब्याडमिन्टन खेलाडी प्रिन्स दाहालले दुबईमा जारी दुबई जुनियर ईन्टरनेशनल सिरिजमा दोहोरो सफलता हात पारेका छन् । 

प्रिन्सले बिहिबार पुरुष एकल र मिश्रीत जोडीतर्फ जित निकाल्दै दोहोरो सफलता पाएका हुन् ।

अघिल्लो संस्करण्का विजेता प्रिन्सले यू-१९ को एकलको दोस्रो चरणमा दुबईका भर्नूकार्तिक भारथी मोहनलाई पराजित गरे । दोस्रो  वरियतामा रहेका प्रिन्सले बिना वरियताका मोहनलाई २१-८ र २१-१५ ले पराजित गरे ।

अब प्रिन्सले तेस्रो चरणमा दुबईका कृष्ण कुमार कौशिकसंग प्रतिस्पर्धा गर्ने छन् ।

यस्तै प्रिन्स मिश्रित जोडीमा जित निकाल्दै अन्तिम आठमा प्रवेश गर्न सफल भएका छन् ।

प्रिन्सले दुबईमै बसोबास गर्दै आईरहेकी नेपाल महेन्द्रनगरकी सानिया चन्दसंग मिलेर दुबईका नभान नजिव र कारोलिन कोल्कुहोओनलाई २१-१४ र २१-१७ ले पराजित गरे ।