मीराई कादम्बरी कप फुटसल सोमबार

काठमाडौं । मीराई काडम्बरी कप अन्तर कलेज फुटसल प्रतियोगिता सोमबार आयोजना हुने भएको छ ।

आयोजक कादम्बरी मोमेरियल कलेजले शुक्रबार पत्रकार सम्मेलन गर्दै एकदिने प्रतियोगिता भदौ २ गते सोमबार हुने जानकारी गराएको छ  ।

मीराई एजुकेसन एण्ड भिसाको मुख्य प्रायोजन हुने प्रतियोगितामा पुरुषतर्फ २० र महिलातर्फ ८ टोलीको सहभागिता रहने छ । हाडीगाउँस्थित धनेन्तरी फुटसलमा आयोजना हुने प्रतियोगिता लिग कम नकआउटका आधारमा हुनेछ । 

प्रतियोगिताको पुरुषतर्फको विजेताले ट्रफीसहित ३० हजार नगद पुरस्कार पाउने छन् । यस्तै महिलातर्फको विजेताले १५ हजार नगद पाउने आयोजकले जनाएको छ ।

यस्तै उत्कृष्ट खेलाडी, उत्कृष्ट गोलकिपर र सर्वाधिक गोलकर्तालाई समेत पुरस्कृत गरिने आयोजकले जनाएको छ । त्यस्तै प्रतियोगिताको दौरान राष्ट्रिय फुटबल टिमका सदस्य सन्तोष तामाङलाई पनि सम्मानित गरिने छ ।

शुक्रबार आयोजित कार्यक्रममा प्रतियोगिताको जर्सी समेत सार्वजनिक गरिएको थियो ।