एजेन्सी । फ्रान्सका प्रशिक्षक डिडिएर डेसच्याम्प दुई भूमिकामा फिफा विश्वकप फुटबल जित्ने तेस्रो व्यक्ति बनेका छन् ।
रुसमा सम्पन्न विश्वकप फुटबलमा फ्रान्सलाई उपाधि दिलाएपछि प्रशिक्षक डेसच्याम्पले उक्त इतिहास बनाएका हुन् । फाइनलमा फ्रान्सले क्रोएसियालाई ४ – २ ले हराएर उपाधि जितेको हो । उपाधिसंगै डेसच्याम्प खेलाडी र प्रशिक्षकको रुपमा विश्वकप जित्ने तेस्रो व्यक्ति बनेका हुन् ।
फ्रान्सले २० बर्षअघि विश्वकपको उपाधि जित्दा ४९ वर्षीय डेसच्याम्प खेलाडी रहेका थिए । सन् १९९८ मा फ्रान्समै भएको विश्वकप जित्दा डेसच्याम्प टोलीका कप्तान रहेका थिए ।
यसअघि खेलाडी र प्रशिक्षक भएर विश्वकप जित्नेमा ब्राजिलका मारियो जागाल्लो र जर्मनीका फ्रन्स बेकनबउर रहेका थिए ।
-1746457651.jpeg)
