काठमाडौं । ब्रिटिस स्कुलकी सम्भवी पालक र काठमाडौं मेरिडियनका अभियान कस्यप दोस्रो संस्करणको काठमाडौं ब्याडमिन्टन च्याम्पियनसिपको फाइनलमा प्रवेश गरेका छन् ।
कीर्तिपुरस्थित त्रिभुवन विश्वविद्यालयको त्रिभुवन स्मृति हलमा बिहिबार भएको यू-१४ को गर्ल्सतर्फ सम्भवीले क्यानभासकी ईमेक लुना लावतीलाई २१ – ९, २१–६ ले पराजित गर्दै फाइनलमा स्थान बनाईन् ।
अब सम्भवीले फाइनलमा ग्यालेक्सी स्कुलकी निमा यान्जी शेर्पासँग खेल्ने छिन् । निमाले पाँगा स्कुलकी सोफिया महर्जनलाई २१ – १०, २१ – १२ ले पराजित गरिन् ।
यू–१४ ब्वाईजतर्फ मेरिडियनका अभियानले ग्यालेक्सी स्कुलक निकेश पोखरेललाई २१–१३ र २१–१८ को सोझो सेटमा हराउदै फाइनलमा स्थान बनाए ।
अब अभियानले फाइनलमा क्यारिवियनका डेभिड थापा मगरसँग खेल्नेछन् । डेभिडले केएमसीका प्रत्याकलाई २१ – १६, २१ – ७ ले पराजित गर्दै फाइनलमा स्थान बनाएका हुन् ।
यस्तै यू– १२ ब्वाईजमा भ्याली भ्यूका संक्षम ढकाल र बुद्ध ईन्टरनेशनलका ककेश सत्यालले फाईनलमा स्थान बनाए ।
ढकालले लिशा स्कुलका श्रेयास रन्जितकारलाई २१ – १२, २१ – ८ ले तथा सत्यालले एनएमई का विश्वास बुढाथोकीलाई २१ – १३, २१ – १६ ले पराजित गर्दै उपाधी भिडन्त पक्का गरेका हुन् ।
यस्तै यू-१२ गर्ल्समा ब्रिटिस स्कुलकी सम्भवी पालक र ग्यालेक्सी स्कुलकी श्रेया जे. शेर्पाले उपाधी भिडन्त पक्का गरेकी छिन् ।
सम्भवी ले सेन्ट जेभियरका प्रनिषा श्रेष्ठलाई २१ – ७, २१ – ४ तथा श्रेयाले केन्द्रिय बिद्यालयकी प्रिशा सिंहलाई २१ – ७ र २१ – ८ ले पराजित गर्दै उपाधी निकट पुगेका हुन् ।
काठमाडौं जिल्ला ब्याडमिन्टन संघले आयोजना गरेको च्याम्पियनसिपको यू-१२ को महिला र पुरुष दुवैको विजेताले २० हजार, उपविजेताले १५ र तेस्रोले १०/१० हजार प्राप्त गर्ने छन् ।
यस्तै यू-१४ को दुवैतर्फको विजेताले ३०, उपविजेताले १५ र तेस्रोले १०/१० हजार पाउने छन् ।
मिक्स डबलतर्फको विजेताले ४० हजार, उपविजेताले २० हजार र तेस्रोले १०/१० हजार पाउने छन् ।
-1755526339.jpg)
