एजेन्सी । इंग्ल्याण्डले अष्ट्रेलियाविरुद्ध हुने एसेस सिरिजका लागि राष्ट्रिय टिमको घोषणा गरेको छ । इंग्ल्याण्डले शनिबार एसेस सिरिजका लागि १४ सदस्सीय टोलीको घोषणा गरेको हो ।
एसेस सिरिजका लागि इंग्ल्याण्डले जोय रुटको कप्तानीमा टिम घोषणा गरेको हो । यस्तै बेन स्टोक्सलाई उपकप्तान चयन गरेको छ ।
इंग्ल्याण्डको टेष्ट टिममा जोफ्रा आर्चरले पहिलो पटक स्थान बनाएका छन् । आर्चरले घरेलु मैदानमा सम्पन्न एकदिवसीय विश्वकपको फाइनलमा डेथ ओभरको बलिङ गरेका थिए ।
इंग्ल्याण्डको टिममा कप्तान रुट, उपकप्तान स्टोक्ससँगै आर्चर जोफ्रा, मोइन अली, जिम्मी एन्डरसन, जोनी बेयर्सटो, स्टुवार्ड बोर्ड, रोरी बुर्न्स, जोय बट्लर, साम करण, जोई डेन्ली, जासन रोय,ओली स्टोन र क्रिस वोअक्स रहेका छन् ।
इंग्ल्याण्डले घरेलु मैदानमा अष्ट्रेलियासँग ५ खेलको टेष्ट सिरिज खेल्नेछ । सिरिज आगामी अगष्ट १ बाट सुरु हुनेछ ।
अष्ट्रेलियाले शुक्रबार सिरिजका लागि १७ सदस्सीय टिमको घोषणा गरेको थियो ।
