ऐश्वर्य र नेपाल वेष्टर्न च्याम्पियन

धनगढी । ऐश्वर्य वहुमुखी क्याम्पस र नेपाल वेष्टर्न एकेडेमीले एक्सपर्ट ईन्टर कलेज फुटसल प्रतियोगिताको उपाधि जितेका छन् ।

एक्सपर्ट एजुकेशन एण्ड भिसा सर्भिसेज धनगढीको आयोजनामा भएको प्रतियोगिताको छात्रतर्फ ऐश्वर्य र छात्रातर्फ नेपाल वेष्टर्न च्याम्पियन बनेका हुन् ।

धनगढीको फ्ल्याटल्याण्ड फुटसलमा ऐश्वर्यले कैलाली वहुमुखी क्याम्पसलाई ९–५ को गोल अन्तरले हरायो । छात्रा तर्फ नेपाल वेष्टर्न एकेडेमीले कैलाली वहुमुखी क्याम्पस बीबीएम बीलाई १–० ले हरायो ।

दुवैतर्फको विजेताले नगद १० हजारसहित ट्रफी हात पारे । त्यसैगरी दुवै विजेता टोलीका सदस्यले ४८ हजार बराबरको आईईएलएसमा शतप्रतिशत छुट पाउने छन् । उपविजेता टोलीले नगद ५ हजारसहित ट्रफी हात पारे ।