एक्सपर्ट ईन्टर कलेज फुटसलमा १४ टिम

धनगढी । धनगढीमा भोलिबाट सुरु हुने एक्सपर्ट ईन्टर कलेज फुटसल प्रतियोगिताको पुरुषतर्फ १४ टोलीले प्रतिस्पर्धा गर्ने भएका छन् । 

आयोजक एक्सपर्ट एजुकेशन एण्ड भिसा सर्भिसेज धनगढीले बुधबार खेल तालिका सार्वजनिक गर्दै पुरुषमा १४ टिमले प्रतिस्पर्धा गर्ने जनाएको छ ।

धनगढीको फ्ल्याटल्याण्ड फुटसलमा आयोजना हुने दुई दिने प्रतियोगिताको पुरुषमा सहभागी १४ टोलीलाई २ समूहमा विभाजन गरिएको छ । समूह 'ए' मा ८ र समूह 'बी' मा ६ टिम रहेका छन् ।

प्रतियोगिताको उद्घाटन खेलमा कैलाली बहुमुखी क्याम्पस वीवीएम 'बी' र नाष्ट उच्च माविबीच प्रतिस्पर्धा हुनेछ ।

प्रतियोगिता अन्तर्गत नै महिलातर्फ भने चार टोलीले प्रतिस्पर्धा गर्नेछन् । महिलाको पहिलो खेलमा सुदुरपश्चिमाञ्चल एकेडेमी र नेपाल वेष्टर्न कलेज प्रतिस्पर्धा गर्नेछन् ।

प्रतियोगिताको दुवैतर्फको विजेताले नगद १० हजार सहित ट्रफी  तथा उपविजेताले नगद ५ हजार पाउनेछन् ।