काडम्बरी कप फुटसल हुने

काठमाडौं । काडम्बरी कप अन्तर कलेज फुटसल प्रतियोगिता भदौ पहिलो साता आयोजना हुने भएको छ ।

काडम्बरी मोमेरियल कलेजको आयोजनामा हुने प्रतियोगिता भदौ २ गते हुनेछ । धनेन्तरी फुटसलमा आयोजना हुने प्रतियोगितामा २० कलेजको सहभागिता रहनेछ ।

राष्ट्रिय स्तरका खेलाडीलाई सम्मान र खेलकुद क्षेत्रको प्रवर्दन गर्ने उदेश्यले आयोजना गर्न लागिएको प्रतियोगितामा महिला र पुरुष दुवै टोलिले सहभागिता जनाउन पाउने छन् ।

प्रतियोगिताको विजेताले ३० हजार नगदसहित ट्रफी, मेडल र प्रमाणपत्र प्राप्त गर्नेछन् । प्रतियोगितामा सहभागिता जनाउन ५ हजार शुल्क तिर्नु पर्नेछ ।