काठमाडौँ। रानीवन स्पोर्ट्स क्लबमाथि सहज जित हासिल गर्दै सामाजिक यूथ क्लब शहीद स्मारक ‘सी’ डिभिजन लिगको सातौँ स्थानमा उक्लिएको छ।
सातदोबाटोस्थित एन्फा कम्प्लेक्समा बिहीबार सम्पन्न खेलमा सामाजिक ३-० गोल अन्तरले विजयी भएको हो।
जितसँगै सामाजिकले ८ खेलबाट ११ अंक जोडेको छ। पराजित रानीवन समान खेलबाट ६ अंक जोड्दै १२औँ स्थानमा यथावत् छ।
खेलको २९औँ मिनेछमा बसन्तबहादुर रानाले गोल गर्दै सामाजिकलाई शुरूआती अग्रता दिलाएका थिए। ५४औँ मिनेटमा सामाजिकले उक्त अग्रता दोब्बर बनायो। सामाजिकका विकाश दर्जीले गोल गरे।
६९औँ मिनेटमा कृष्ण कठायतले आत्मघाती गोल गर्दा सामाजिक ३-० ले विजयी भयो।
