काठमाडौं। म्यानचेस्टर सिटीका विंगर साभिन्हो घाइते भएका छन्। इङ्लिस लिग कपअन्तर्गत बुधबार राति टोटनह्यामसँग २–१ ले पराजित भएको खेलमा उनी घाइते हुन पुगेका हुन्।
खेलको ६३ औं मिनेटमा उनी घाइते हुन पुगेका थिए। उनको दाहिने घुँडामा चोट लागेको जनाइएको छ। मुख्य प्रशिक्षक पेप ग्वार्डिओलाले ब्राजिलका विंगरको चोट बिहीबार पत्ता लगाउने बताएका छन्। सिटीले म्यानुएल अकान्जीलाई पनि घुँडाको समस्याका कारण गुमाएको छ।
रोड्री, केभिन डी ब्रुइन, ज्याक ग्रेलिश, काइल वाकर, जेरेमी डोकु र ओस्कर बोब यसअघि नै चोटिल छन्। रुबेन डायस पनि समस्यामा रहेको उनले जानकारी दिए।
सोमबार बालोन डी'ओर अवार्ड जितेका रोड्री एसिएलको चोटका कारण सिजनबाट बाहिरिएका छन्।
-1756657034.jpeg)
