काठमाडौं । उदयपुरको चौदण्डी गढी नगरपालिकाले राजधानीमा जारी उप–मेयर कप अन्तर नगरपालिका फुटबल प्रतियोगितामा लगातार दोस्रो जित निकालेको छ ।
हलचोकस्थित एपीएफको मैदानमा बिहिबार हेटौडा उपमहानगरपालिकालाई ५-२ गोल अन्तरले पराजित गर्दै चौदण्डीले दोस्रो जित निकालेको हो ।
चौदण्डीको जितमा अनुष्का शेर्पाले २ गोल गरिन् । यस्तै मनिका राई, सावित्रा प्रजा र सरस्वती चौधरीले एक एक गोल गरिन् । हेटौडाकी पुजा लोप्चन र सुजिता बोम्जनले एक एक गोल गरिन् ।
यसअघि बुधबार भएको पहिलो खेलमा चौदण्डीले पोखरा महानगरपालिकालाई ७-० गोल अन्तरले पराजित गरेको थियो ।
जितसंगै समूह 'बी' को चौदण्डीले २ खेलबाट ६ अंक जोडेको छ । र, चौदण्डी समूहको शीर्ष स्थानमा रहेको छ । पराजित हेटौडाले २ खेलमा अंक जोड्न सकेको छैन ।
-1746755007.webp)
