अष्ट्रेलियाका स्टोनिस विश्वकप टिमबाहिर

एजेन्सी । अष्ट्रेलियाका अलराउण्डर मार्कुस स्टोनिसले इंग्ल्याण्डमा जारी १२ औं संस्करणको आईसीसी एकदिवसीय विश्वकप क्रिकेटको बाँकी खेल गुमाउने भएका छन् । 

क्रिकेट अष्ट्रेलियाले स्टोनिसको स्थानमा मिचेल मार्शलाई टिममा बोलाएको छ । फिटनेसको कारण स्टोनिसलाई टिमबाहिर राखिएको क्रिकेट अष्ट्रेलियाले जनाएको छ । 

स्टोनिसलाई अष्ट्रेलियाले पाकिस्तानविरुद्ध बुधबार हुने खेलका लागि पनि टिममा राखेको छैन ।