वर्षा बाधक बन्दा दक्षिण अफ्रीका र वेष्ट इण्डिजले अंक बाँडे

एजेन्सी । इंग्ल्याण्डमा जारी १२ औं संस्करणको आईसीसी एकदिवसीय विश्वकप क्रिकेट अन्तर्गत दक्षिण अफ्रीका र वेष्ट इण्डिजबीचको खेल नतिजाविहीन भएको छ ।

साउथह्याम्पटनमा सोमबार वर्षा बाधक बनेपछि दक्षिण अफ्रीका र वेष्ट इण्डिजको खेल स्थगित भएको छ ।

टस हारेर दक्षिण अफ्रीकाले ब्याटिङ गरिरहदा खेल वर्षाले रोकिएको थियो  । वर्षा नरोकिएपछि खेल स्थगित गरिएको थियो ।

खेल रोकिनुअघि दक्षिण अफ्रीकाले ७ ओभर ३ बलमा २ विकेट गुमाएर २९ रन जोडेको थियो ।

खेल स्थगित भएपछि दुवै टोलीले एक एक अंक बाडेका छन् ।

यो खेलसंगै वेष्ट इण्डिजले ३ खेलमा ३ अंक जोडेको छ । अघिल्ला २ खेलमा वेष्ट इण्डिजले १ जित र १ हार व्यहोरेको थियो ।

यता, दक्षिण अफ्रीकाले भने ४ खेलपछि पहिलो अंक जोडेको छ । यसअघि दक्षिण अफ्रीकाले अघिल्ला ३ खेलमा लगातार हार व्यहोरेको थियो ।