पुलिसलाई हराउँदै एपीएफ फाइनलमा

दाङ । सशत्र प्रहरीको एपीएफ क्लब आठौं राष्ट्रिय खेलकुद अन्तर्गत महिला फुटबलको फाइनलमा प्रवेश गरेको छ ।

मंगलबार भएको दोस्रो सेमिफाइनलमा नेपाल पुलिस क्लबलाई पेनाल्टी सुट आउटमा ५-४ गोल अन्तरले पराजित गर्दै एपीएफ उपाधि नजिक पुगेको हो ।

दाङको बेलझुङ्डीमा खेलको निर्धारित समय १-१ गोलको बराबरीमा सकिएपछि खेल पेनाल्टी सुट आउटमा गएको थियो । पेनाल्टीमा एपीएफ सफल भयो ।

पेनाल्टी अघि एपीएफकी सावित्रा भण्डारीले गोल गर्दै टोलीलाई अग्रता दिलाएकी थिईन् । तर, निरु थापाको गोलबाट पुलिस खेलमा फर्किएको थियो । 

अब एपीएफले स्वर्ण पदकको लागि त्रिभुवन आर्मी क्लबसंग खेल्नेछ । सेमिफाइनलमा प्रदेश ३ लाई ६-० गोल अन्तरले पराजित गर्दै आर्मीले फाइनल पुगिसकेको छ ।