महिला क्रिकेटको सेमिफाइनल समीकरण पुरा

दाङ । आठौं राष्ट्रिय खेलकुद अन्तर्गत महिला क्रिकेटको सेमिफाइनल समीकरण पुरा भएको छ ।

लमहीमा आइतबारको खेलसंगै सेमिफाइनल पुग्ने चार टोलीको टुंगो लागेको छ ।

अब सेमिफाइनलमा एपीएफ र प्रदेश नम्बर २ ले प्रतिस्पर्धा गर्नेछन् । यस्तै  प्रदेश नम्बर १ र सुदूरपश्चिम प्रदेशसंग खेल्नेछ ।

आइतबार प्रदेश ३ लाई हराउँदै सुदूरपश्चिम सेमिफाइनलमा पुग्न सफल भयो ।

टस जितेर व्याटिङ्ग गरेको सुदूरपश्चिम प्रदेशले निर्धारित ओभरमा ५ विकेट गुमाएर १२७ रन बनाएको थियो । सुदुरपश्चिम प्रदेशकी कविता जोशीले अर्धशतक बनाइन् । १२८ रनको लक्ष्य लिएर मैदानमा उत्रीएको प्रदेश नम्बर ३ सबै विकेट गुमाएर १८ ओभरमा जम्मा १०८ रन बनाउन सक्यो ।

महिला क्रिकेट प्रतियोगितामा एउटा बिभागीय टिमसहित कर्णाली प्रदेश बाहेक ६ ओटा प्रदेशगरी ७ टिमले भाग लिएका थिए । फाइनल प्रवेशका लागि सोमबार दुवै सेमिफाइनल खेल हुने छन् ।