एजेन्सी । च्याम्पियन्स लिगमा आज हुने अन्तिम १६ अन्तर्गतको पहिलो लेगको खेलमा एट्लेटिको म्याड्रिड र य़ुभेण्टस भिड्दै छन् । एट्लेटिको म्याड्रिडको गृह मैदानमा हुने खेल नेपाली समय अनुसार आज राति पौने दुई बजे सुरु हुने छ ।
एट्लेटिकोले पछिल्लो तीन खेलमा आफ्नो बिपक्षिलाई गोल गर्नबाट बन्चित गर्दै शतप्रतिशत नतिजा निकाल्न सफल छ भने पछिल्लो नौ खेलमा अपराजित रहेको छ । क्रिस्टियानो रोनाल्डोले एटलेटिको म्याड्रिडलाई च्याम्पियन्स लिगमा बारम्बार पछि पार्दै आएका छन् ।
अघिल्ला सिजनहरु रिएल म्याड्रिड खेल्दै आएका रोनाल्डो यसै सिजन मात्र य़ुभेण्टससंग सम्झौता गरेका थिए । य़ुभेण्टसका लागि उनि निकै भरपर्दा खेलाडी रहेका कारण उनलाई जुटाउन एक किसिमको दबाब हुनेछ । युभेन्टसका लागी जारी सिजनमा २१ गोल गरिसकेका रोनाल्डोले च्याम्पियन्स लिगमा भने एक गोल मात्र गरेका छन्।
एट्लेटिको म्याड्रिडको लागि लुकास हर्नान्डेजले इन्जुरिका कारण खेल गुमाउने छन् भने अर्का भरपर्दा मिडफिल्डर कोकेपनि टिममा स्थान बनाउने सम्भाबना कम रहेको छ । यस्तै य़ुभेण्टसले डिफेन्डर यान कुड्राडो र मिडफ़िल्डर सामी खेडिरा घाइते रहेका छन् ।
