काठमाडौं । नेपाली राष्ट्रिय टोलीका लेग स्पिनर सन्दीप लामिछाने रहेको मेलबर्न स्टार्सलाई बिग बास लिगको फाइनलमा मेलबर्न रेनिगेड्सले १४६ रनको लक्ष्य दिएको छ ।
मेलबर्नमा टस हारेर पहिले ब्याटिङ गरेको रेनिगेड्सले पुरै २० ओभर खेल्दै खेल्दै ५ विकेट गुमाएर १४५ रन बनायो ।
रेनिगेड्सका टम कोपरले अविजित ४३ तथा ड्यानियल क्रिस्टियनले अविजित ३८ रन जोडे । स्टार्सका एडम जाम्पा र ज्याक्सन बर्डले २/२ विकेट लिए ।
नेपालका सन्दीपले किफायती बलिङ गरेपनि विकेट लिन सकेनन् । सन्दीपले ४ ओभर बलिङ गर्दै १६ रन खर्चिए ।
यसअघि सन्दीपको टिम स्टार्सले होबार्ट हुरिकेसलाई ६ विकेटले पराजित गर्दै फाइनलमा स्थान सुरक्षित गरेको थियो । यस्तै रेनिगेड्सले सिड्नी सिक्सर्सलाई ३ विकेटले पराजित गर्दै स्टार्ससंगको भेट पक्का गरेको थियो ।
