होराइजन क्लब र पुलिस आदर्श कपको फाइनलमा

लेखनाथ, पोखरा। होराइजन क्लब स्याङ्गजा र नेपाल पुलिस गण्डकी प्रदेश २६ औं आदर्श कपको फाइनलमा भिड्ने भएका छन् ।

सेमिफाइनलमा बुधबार होराइजन क्लबले जिल्ला खेलकुद विकास समिति म्याग्दीलाई १–० ले हराउँदै पुलिससँग भिड्ने पक्का भएको हो । टिकाराज गुरुङले खेलको ७३औं मिनेटमा गरेको गोल नै निर्णायक बन्यो।

पुलिसले पहिलो सेमिफाइनलमा तनहुँ जिल्ला फुटबल विकास समितिलाई पराजित गरी फाइनलमा स्थान सुरक्षित गरेको थियो ।

प्रतियोगिताको विजेताले ४ लाख ९९ हजार ९९९ र उपविजेताले ३ लाख ३३ हजार ३३३ पाउने छन्।