एरिकले जोगाए अंक

काठमाडौं। कप्तान एरिक विष्टको गोलसँगै ‘ए’ डिभिजन लिग च्याम्पियन चर्च बोइज युनाइटेड राष्ट्रिय लिगमा हारबाट जोगिएको छ।

सातदोबाटोस्थित एन्फा कम्प्लेक्समा बुधबार सम्पन्न श्री भगवती क्लबसँग १–१ को बराबरी खेलेको हो। योसँगै दुवै टोलीले अंक बाँडेका छन्।

खेलको पहिलो हाफमा भगवतीका हरिहर बूढामगरले गोल गर्दै सुरुआती अग्रता दिलाएका थिए। इन्जुरी टाइमअघि उनले गरेको गोलले भगवतीले पहिलो हाफमा १–० को अग्रता लिएको थियो।

तर, उक्त अग्रता १० मिनेटभन्दा बढी टिक्न सकेन। ५६औं मिनेटमा एरिकले गोल गर्दै चर्च बोइजलाई बचाए। योसँगै चर्च बोइज अंक जोगाउन सफल रह्यो।