जनकपुर पनि सुदूरको शिकार

काठमाडौं । नेपाल प्रिमिय लिगमा सुदूरपश्चिम रोयल्सले आफ्नो अपराजित यात्रालाई कायम छ ।

उसले शनिबार साविक विजेता जनकपुर बोल्ट्सलाई ६ विकेटले शिकार गर्यो ।

जनकपुरले प्रस्तुत गरेको १ सय ४६ रनको सामान्य लक्ष्य सुदूरले १७ दशमलव ४ ओभरमा मात्र ४ विकेट गुमाएर पुरा गर्यो ।

इशान पाण्डेले ५६ रन र बिनोद भण्डारीले ४२ रनको इनिङ्स खेलेपछि सुदूरले सहज जित निकाल्यो ।

हरमित सिंह २५ रनमा अविजित रहे ।

सुरुवाती ब्याटिङ गरेको जनकपुरले ८ विकेट गुमाएर १ सय ४५ रनमात्र बनाउन सक्यो ।

सुदूरका अविनाश बोहोराले ४ तथा स्कट कुग्गेलेइजनले ३ विकेट लिएपछि जनकपुर मध्यम स्कोरमा रोकिएको हो ।

जनकपुरका सञ्जय कृष्णमुर्तिले अर्धशतक र जन निकोल लोफ्टीले ३९ रनको ईनिङ्स खेलेका थिए ।

सुदूरपश्चिमले ५ खेलबाट सतप्रतिशत जित सहित शीर्ष स्थानमा आफुलाई कायम राखेको छ । जनकपुर अंक विहीन हुँदै तालिकाको पुछारमा छ ।

शनिबार दिनको पहिलो खेलमा लुम्बिनीले पोखरालाई हराउँदै प्रतियोगिताको होडमा आफुलाई कायम राखेको छ । लुम्बिनीले पोखरालाई ३ विकेटले हराएको हो ।

पोखराका एडम रोसिङ्टनले ८१ र जिम्मी निसमले ५१ रनको ईनिङ्स खेलेपनि टोलीलाई जित दिलाउन सकेनन् ।

लुम्बिनीको जितमा कप्तान रोहित पौडेल सहित मध्यक्रमका ब्याट्समेनले राम्रो प्रर्दशन गरे । सन्दीप जोराले अविजित २५ रनको योगदान गरे ।