नेपाल एसीसी प्रिमियर लिग क्रिकेटको फाइनलमा

काठमाडौं । नेपाल एसीसी मेन्स यू–१९ प्रिमियर लिग क्रिकेटको फाइनलमा प्रवेश गरेको छ ।

शनिबार मेलसियालाई ९ विकेटले हराउँदै नेपाल प्रतियोगिताको फाइनल प्रवेश गरेको हो ।

मलेसियाले प्रस्तुत गरेको ५२ रनको सामान्य लक्ष्य नेपालले ७ दशमलव ५ ओभरमा १ विकेट गुमाएर पुरा गर्यो ।

अविजित रहदै वंश क्षेत्रीले २३ र निश्चल क्षेत्रीले १५ रनको योगदान गरे । निरज कुमार यादव ४ रनमा आउट भएका थिए ।

सुरुवातमा ब्याटिङ गरेको मलेसिया १७ दशमलव २ बलमा ५१ रनमा अलआउट भयो ।

नितिश कुमार पटेलले ४, चन्दन रामले ३, अप्रजित पौडेल, अशोक धामी र रोशन विश्वकर्माले समान एक एक विकेट लिएपछि मलेसिया सस्तैमा समेटिएको हो ।

मलेसियाका पुछारका मुहम्मद फतुल मुइन र हमजाह पङ्गीले मात्र दोहोरो अंकको स्कोर छुन सकेका थिए ।

नेपालले उपाधिका लागि सोमबार यूएईसँग खेल्नेछ ।