पुछारको जनकपुर र सुदूरको भेट

काठमाडौं । नेपाल प्रिमियर लिग एनपीएलमा शनिबार दुई खेल हुदैछ ।

पहिलो खेलमा लुम्बिनी लायन्स र पोखरा एभेन्जर्स तथा दोस्रो खेलमा जनकपुर बोल्ट्स र सुदूरपश्चिम रोयल्सबीच प्रतिस्पर्धा हुदैछ ।

लुम्बिनी र पोखरा त्रिवि क्रिकेट मैदानमा सवा ११ बजे भिड्नेछन् । जनकपुर र सुदूर दिउँसो साढे ३ बजे भिड्नेछन् ।

लुम्बिनी र पोखरा पुछारका दुई टिम हुन्, जसले जारी एनपीएलमा राम्रो नतिजा निकाल्न सकेका छैनन् ।

पोखरालाई प्रतियोगितामा फर्कन र लुम्बिनीलाई शीर्ष चारको होडमा रहन खेल महत्वपुर्ण छ । पोखरा ३ खेलबाट २ अंक जोडेर तालिकाको छैटौं स्थानमा र लुम्बिनी ४ खेलबाट २ अंक जोेडेर तालिकाको सातौं स्थानमा छ ।

अर्को खेलमा शीर्ष स्थानको सुदूरपश्चिमसँग पुछारको जनकपुर भिड्दैछ । शीर्ष चारको होडमा रहन साविक विजेतालाई शनिबारको खेल महत्वपुर्ण छ ।

सुदूर भने शीर्ष स्थानको अग्रतालाई बढाउने लक्ष्यमा हुनेछ । सुदूर ४ खेलबाट ८ अंक जोडेर तालिकाको शीर्ष स्थानमा रहदा जनकपुर अंक विहीन हुदै पुछारमा छ ।