चितवनका रिजानलाई कारबाही
शुक्रबार, मंसिर ६, २०८२खेलपाटी संवाददाता

काठमाडौं। नेपाल प्रिमियर लिग (एनपीएल)को फ्रेन्चाइजी चितवन राइनोजका बलर रिजन ढकाल कारबाहीमा परेका छन्।
लुम्बिनी लायन्सविरुद्धको खेलमा आचारसंहिता उल्लङ्घन गरेपछि उनलाई लेभल–१ अपराधमा दोषी ठहर गरिएको हो। एलबिडब्ल्यु अपिलमा ‘नट आउट’ निर्णय आएपछि ढकालले अम्पायरको निर्णयप्रति असन्तुष्टि जनाएका थिए।
प्रतियोगिताको आचारसंहिताअनुसार यसलाई लेभल–१ को उल्लंघन मानिने भएकाले उनीमाथि कारबाही प्रक्रिया अघि बढाइएको एनपीएलले जनाएको छ।
ढकालले आफूमाथि लागेको आरोप स्वीकार गरेका छन्। यस्तै, प्रस्तावित सजायमा सहमति जनाएका छन्। उनले चेतावनीसहित १ डिमेरिट प्वाइन्ट प्राप्त गरेका छन्। उक्त खेलमा चितवन ६ विकेटले पराजित भएको थियो।







%20(1)-1763645320295.jpeg&w=3840&q=75)





