काठमान्डु गोर्खाज र केआईईसीबीच सम्झौता

काठमाडौं। नेपाल प्रिमियर लिग (एनपीएल) को फ्रेन्चाइज टोली काठमान्डु गोर्खाजले शैक्षिक परामर्श संस्था केआईईसीसँग प्रायोजन सम्झौता गरेको छ।

काठमान्डु गोर्खाजले मंसिर १ गतेदेखि सुरु हुने दोस्रो सिजनको एनपीएलमा प्रतिस्पर्धा गर्दैछ। केआईईसीले विदेशमा अध्ययन गर्न चाहने र सफल अन्तर्राष्ट्रिय करियर निर्माण गर्न उत्सुक विद्यार्थीका लागि २० वर्ष देखि शैक्षिक परामर्श दिँदै आएको छ। एनपीएलमा काठमान्डु गोर्खाजले जर्सीमा केआईईसीको लोगो राखेर खेल्ने छ। 

यसका लागि काठमान्डु गोर्खाज र केआईईसीबीच सम्झौता भएको छ।  काठमान्डु गोर्खाजका कार्यकारी निर्देशक अनुभव सिरोहिया र केआईईसीका संस्थापक एवं प्रमुख कार्यकारी अधिकृत राजेन्द्र रिजालले सम्झौतामा हस्ताक्षर गरेका थिए। काठमान्डु गोर्खाजका प्रमुख कार्यकारी अधिकृत सुरजसिंह ठकुरी र केआईईसीका बजार प्रबन्धक सुमित श्रेष्ठको रोहवरमा सम्झौता गरिएको थियो। 

गोर्खाजका कार्यकारी निर्देशक अनुभव सिरोहियाले केआईईसीले खेलकुदका विभिन्न क्षेत्रमा गर्दै आएको बजार व्यवस्थापन कार्यको प्रशंसा गरे। केआईईसीका संस्थापक रिजालले युवाहरूको भविष्यका लागि कार्य गर्दै आएको र एनपीएल पनि युवाहरूको ढुकढुकी भएकाले काठमान्डु गोर्खाजसँग जोडिएको बताए।

एनपीएलका लागि काठमान्डु गोर्खाजले प्रायोजक जुटाउने र बजार व्यवस्थापनलाई तीव्रता बनाइरहेको जानकारी गराउँदछौं। काठमाडौं गोर्खाजले यसअघि नै मुख्य प्रायोजकको रूपमा वर्ल्ड लिंकसँग सम्झौता गरिसकेको छ। टोलीको गोल्ड पार्टनरको रूपमा शिखर इन्स्योरेन्स, ड्रिङ्क पार्टनरको रूपमा एक्सट्रिम इनर्जी ड्रिङ्कसँग प्रायोजन सम्झौता गरिसकेको छ। साथै टोलीको अफिसियल हस्पिटालिटी पार्टनरमा टुलिप होटल रहेको छ।