न्युक्यासलको अन्तिम मिनेटमा जित

काठमाडौं। न्युक्यासलले इङ्लिस प्रिमियर लिगमा अन्तिम मिनेटमा जित हात पारेको छ।

सेन्ट जेम्स पार्कमा शनिबार सम्पन्न खेलमा ब्रुनो गुइमारेसले ९०औं मिनेटमा गोल गर्दै न्युक्यासललाई फुलह्याममाथि २–१ को जित दिलाए।

जितसँगै न्युक्यासल ९ खेलबाट १२ अंक जोड्दै ११औं स्थानमा पुगेको छ। समान खेलबाट ८ अंक जोडेको फुलह्याम ११औं स्थानमा छ।

न्युक्यासलका लागि जेकब मर्फीले १८औं मिनेटमा पहिलो गोल गरेका थिए। तर, फुलह्यामका लागि सासा लुकिकले ५६औ| मिनेटमा बराबरी गोल फर्काए।

म्यानचेस्टर युनाइटेड शनिबार राति ओल्ड ट्राफर्डमा ब्राइटनसँग खेल्दैछ। जित निकाल्न सके युनाइटेड लिग तालिकाको चौथो स्थानमा उक्लिन सक्छ।