सन्न्यास लिँदै शरद

काठमाडौं। नेपाली राष्ट्रिय टोलीका पूर्वअलराउन्डर शरद भेषवाकरले हङकङ सिक्सेस पछि सन्न्यास लिने भएका छन्।

नोभेम्बर ७ देखि ९ सम्म टिन क्वोङ रोड रिक्रिएसन ग्राउन्डमा हुने उक्त प्रतियोगितामा नेपालको कप्तानी उनले गर्दैछन्। नेपाली टोलीमा शरदसँगै सन्दीप जोरा, लोकेश बम, बसिर अहमद, आदिल अन्सारी, रशिद खान र रुपेश सिंह छन्।

नेपाल क्रिकेट संघ (क्यान)ले भनेको छ,‘शरद भेषवाकरले हङकङ सिक्सेसमा अन्तिमपटक रातो र नीलो जर्सी लगाउनेछन्। योबिदाइ होइन। यो त नेपाल क्रिकेटलाई आकार दिएको एउटा युगको उत्सव हो।’

गत वर्ष पनि नेपालले सन्दीपको कप्तानीमा प्रतियोगिता खेलेको थियो। उक्त टोलीमा सन्दीपसहित लोकेश, नारायण जोशी, विवेक यादव, प्रतिश जिसी, दिपेन्द्र रावत र राशिद खान थिए। नेपाल रहेको समूह ‘ए’ मा दक्षिण अफ्रिका र अफगानिस्तान छन्।

गत वर्ष सानदार प्रदर्शन गर्दै नेपाल दोस्रो प्लेट सेमिफाइनलसम्म पुगेको थियो। तर, यूएईसँग ५ विकेटले पराजित भएको थियो।