शरदको कप्तानीमा नेपालले हङकङ सिक्सेस खेल्ने

काठमाडौं। नेपालले शरद भेषवाकरको कप्तानीमा हङकङ सिक्सेस खेल्ने भएको छ। प्रतियोगितामा नेपालसहित १२ राष्ट्र सहभागी हुँदैछन्।

प्रतियोगिता नोभेम्बर ७ देखि ९ सम्म टिन क्वोङ रोड रिक्रिएसन ग्राउन्डमा हुँदैछ। नेपाली टोलीमा शरदसँगै सन्दीप जोरा, लोकेश बम, बसिर अहमद, आदिल अन्सारी, रशिद खान र रुपेश सिंह छन्।

गत वर्ष पनि नेपालले सन्दीपको कप्तानीमा प्रतियोगिता खेलेको थियो। उक्त टोलीमा सन्दीपसहित लोकेश, नारायण जोशी, विवेक यादव, प्रतिश जिसी, दिपेन्द्र रावत र राशिद खान थिए। नेपाल रहेको समूह ‘ए’ मा दक्षिण अफ्रिका र अफगानिस्तान छन्।

गत वर्ष सानदार प्रदर्शन गर्दै नेपाल दोस्रो प्लेट सेमिफाइनलसम्म पुगेको थियो। तर, यूएईसँग ५ विकेटले पराजित भएको थियो।