काभा कपमा नेपालको पहिलो प्रतिस्पर्धी तुर्केमेनिस्तान

काठमाडौं। काभा कप २०२५ को पहिलो खेलमा नेपाल र तुर्केमेनिस्तान भिड्ने भएका छन्।

आयोजक सेन्ट्रल एसियन भलिबल एसोसिएसन (काभा)का अनुसार प्रतियोगिता बंगलादेशको ढाकास्थित सहिद सुहरावर्दी इन्डोर स्टेडियममा ५ कार्तिकदेखि १० कार्तिकसम्म सञ्चालन हुनेछ। प्रतियोगितामा यी दुईसहित

श्रीलंका, माल्दिभ्स, तुर्कमेनिस्तान र अफगानिस्तान गरी ६ टोली सहभागी हुनेछन्।

यस संस्करणमा हरेक टोलीले एकअर्कासँग राउन्ड रोबिन फर्म्याटमा खेल्नेछन्। नेपालले दोस्रो खेल ६ कार्तिकमा आयोजक बंगलादेशविरुद्ध खेल्नेछ। तेस्रो खेलमा ७ कार्तिकमा माल्दिभ्ससँग प्रतिस्पर्धा गर्नेछ।

नेपालले ९ कार्तिकमा अफगानिस्तान र १० कार्तिकमा श्रीलंकासँग खेल्दै लिग चरण सक्काउने छ।

लिग चरणका शीर्ष चार टोली फाइनल चरणमा पुग्नेछन्। शीर्ष दुई टोलीले उपाधि भिडन्त गर्नेछन् भने तेस्रो र चौथो स्थानमा रहने टोलीबीच कांस्य पदकका लागि प्रतिस्पर्धा हुनेछ।

फाइनल ११ कार्तिकमा हुनेछ। नेपालले पहिलो खेलमै सकारात्मक सुरुआत गर्ने अपेक्षा राखिएको छ।