चाँढै विश्वकपमा पुग्न चाहन्छ नेपाल

ओमानमा सोमबार नेपाली क्रिकेट टोली एउटा लक्ष्यमा छ—आईसीसी टी–२० विश्वकप। सुपर सिक्सको यात्रामा अबको प्रत्येक बल र रनले २०२६ को विश्वकपको बाटो तय गर्नेछ।

सोमबार राति ओमानमा नेपाल र कतार आमनेसामने हुँदैछन्। यस खेलको जित नेपालको इतिहासतिर अर्को पाना थप्न पर्याप्त हुन सक्छ। नेपालका लागि यो खेल अंकका लागि मात्र होइन, आत्मविश्वासको निरन्तरताका लागि पनि उत्तिकै महत्त्वपूर्ण हुनेछ।

आइतबार मात्रै यूएईजस्तो बलियो टोलीलाई एक रनले हराउँदै नेपालले आफूलाई प्रमाणित गरिसकेको छ। चार अंकसहित समूहको माथिल्लो स्थानमा रहेको टोलीले अब कतारलाई हराएर विश्वकपमा लगभग आफ्नो स्थान सुरक्षित गर्नेछ।

कतारको स्थिति भने पूर्ण विपरीत छ। लगातार पराजयले कतार अंक तालिकाको पुछारमा छ। तर, त्यही कारण नेपालका लागि खतरा पनि हो। किनभने हार्न केही बाँकी नभएका टोली प्रायः सबैभन्दा साहसी हुन्छन्।

रोहित पौडेलको कप्तानीमा युवा र ऊर्जाशील टोलीले हालसम्मको अभियानमा संयम र सामूहिक खेल प्रस्तुत गरेको छ। दीपेन्द्रसिंह ऐरी, रोहित पौडेल, कुशल भुर्तेल र सन्दीप लामिछानेजस्ता खेलाडीले निर्णायक क्षणमा आफ्नो जिम्मेवारी पूरा गरिरहेका छन्।

नेपालले कतारपछि बुधबार घरेलु टोली ओमान र शुक्रबार सामाओसँग खेल्नेछ। यी तीनमध्ये जो शीर्ष स्थानमा पुग्नेछन्, ती टोली नै भारत–श्रीलंकमा हुने आगामी विश्वकपका सहभागी बन्नेछन्।

द