काठमाडौं। ब्राजिलले २०२६ फीफा विश्वकप छनोटअन्तर्गत माराकाना रंगशालामा भएको खेलमा अन्तिम स्थानमा रहेको चिलीमाथि सहज ३–० को जित हात पारेको छ।
ब्राजिलको जितमा इस्टेभाओ, लुकास पाक्वेता र ब्रुनो गुइमाराएसले गोल गरे।
कार्लो एन्सेलोत्तीको टोलीले खेलको ३८औं मिनेटमा १८ वर्षका इस्टेभाओको गोलबाट अग्रता बनायो।
त्यसपछि दोस्रो हाफको ७२औं र ७६औँ मिनेटमा क्रमशः पाक्वेता र गुइमाराएसले गोल गर्दै जितलाई सुनिश्चित गरे।
यो जितसँगै ब्राजिल दक्षिण अमेरिकी छनोट तालिकाको दोस्रो स्थानमा उक्लिएको छ।
