काठमाडौं। नेपाली राष्ट्रिय टोलीका कप्तान तथा गोलकिपर किरणकुमार चेम्जोङ प्रशिक्षणमा फर्किएका छन्।
नेपालले सेप्टेम्बर ६ र ९ मा त्रिपुरेश्वरस्थित दशरथ रंगशालामा बंगलादेशसँग दुई मैत्रीपूूर्ण खेल खेल्दैछ।
किरण बंगलादेशको लिग खेल्न गएका थिए। प्रि-सिजनका खेल खेलेर उनी फर्किएका हुन्।
३५ वर्षीय किरण लामो समयदेखि क्लबविहीन भएपछि बंगलादेशी पुलिस क्लबमा अनुबन्ध भएका थिए। यो उनको चौथो विदेशी क्लब होे।
यसअघि उनले माल्दिभ्सको ट्रस्ट एन्ड केयर स्पोर्ट्स क्लब, भारतको मिनर्भा पञ्जाब र माल्दिभ्सको माजिया क्लबबाट खेलिसकेका छन्।
सन् २००७ देखि उनी नेपाली राष्ट्रिय टोलीको पोस्ट सम्हालिरहेका छन्।
