काठमाडौं । एभरेस्ट वुमन्स भलिबल लिगको फ्रेन्चाईज टिम लुम्बिनी लाभाज टिमले चर्चित नायिका आना शर्मालाई आफ्नो ब्रान्ड एम्बेसडरको रूपमा नियुक्त गरेको छ ।
लुम्बिनी लाभाज टिमले महिला खेलाडीहरूको सशक्तिकरण, खेलकुदको लोकप्रियता वृद्धि र समाजमा सकारात्मक सन्देश प्रवाह गर्न सकिने विश्वाससहित नायिका शर्मालाई टिममा स्वागत गरेको बताएको हो ।
नायिका आना शर्माले नेपाली सिनेमा क्षेत्रमा आफ्नो छुट्टै पहिचान बनाइसकेकी छिन् । उनी युवापुस्तामाझ प्रेरणादायी छवि बनाएकी कलाकार हुन् । खेल र सामाजिक अभियानमा पनि सक्रिय रुपमा संलग्न रहँदै आएकी शर्माको यो सहभागिता महिला भलिबललाई थप ऊर्जा र प्रेरणा दिने अपेक्षा गरिएको छ ।
लुम्बिनी लाभाजका टिम म्यानेजर स्तुती निरौलाले भनिन्, “हामी केवल खेल जित्न मात्र होइन, सोच जित्न पनि मैदानमा छौं । आना शर्माको सहभागिता हाम्रो यात्रामा महत्वपूर्ण मोड हो । उहाँसंगको सहकार्यले हाम्रो टिमको सामाजिक र सांस्कृतिक प्रभाव थप बलियो हुनेछ ।”
लुम्बिनीसँग जोडिएकी आना शर्माले भनिन्, “लुम्बिनी लाभाजसँग जोडिन पाउनु गर्वको कुरा हो । यो टिम महिला खेलाडीहरूको क्षमता र संघर्षको प्रतिनिधि हो । म यो अभियानमा आफ्नो भूमिकालाई पूर्ण रूपमा निभाउने छु ।”
-1754843967.webp)
