काठमाडौं। भारत र इङ्ग्ल्यान्डबीचको ५ खेलको एन्डरसन–तेन्डुलकर ट्रफी बराबरीमा सकियो। पाँचौं टेस्टमा भारतले इङ्ग्ल्यान्डलाई ६ रनले पराजित गर्यो। यससँगै सिरिज २–२ को बराबरीमा सकियो।
यो टेस्ट इतिहासको पहिलो सिरिज रह्यो जसमा ९ ब्याट्सम्यानले ४०० भन्दा बढी रन बनाए। शुभमन गिल एक सिरिजमा सर्वाधिक रन बनाउने भारतीय कप्तान बने। यस सिरिजमा जो रुट टेस्ट क्रिकेटमा दोस्रो सर्वाधिक रन बनाउने खेलाडी बने।
यसअघि यो कीर्तिमान वेस्ट इन्डिज र अस्ट्रेलियाको नाममा थियो। १९७५-७६ को सिरिजमा ८ जना ब्याट्सम्यानले ४०० भन्दा बढी रन बनाएका थिए।
शुभमनले ५ खेलमा ४ शतकसहित ७५४ रन बनाए। उनले १९७८ मा वेस्ट इन्डिजविरुद्धको ६ टेस्ट सिरिजमा ७३२ रन बनाएका सुनील गावस्करको कीर्तिमान तोडे। शुभमन इङ्ग्ल्यान्डमा टेस्ट सिरिजमा सबैभन्दा धेरै रन बनाउने विदेशी कप्तान पनि बने। यस क्रममा उनले वेस्ट इन्डिजका सर गारफिल्ड सोबर्सको कीर्तिमान तोडे। सोबर्सले १९६६ मा ७२२ रन बनाएका थिए।
