काठमाडौं। युभेन्ट्सलाई ५–२ ले पराजित गर्दै म्यानचेस्टर सिटी क्लब विश्वकपको समूह ‘जी’ को विजेता बनेको छ। यो खेल फ्लोरिडाको क्याम्पिङ वर्ल्ड स्टेडियममा शुक्रबार बिहान भएको थियो।
खेलको २६औं मिनेटमा युभेन्ट्सका डिफेन्डर पिएर कालुलुले आफ्नै पोस्टमा बल पठाउँदै आत्मघाती गोल गरेपछि सिटी २–१ ले अघि बढ्यो। त्यसपछि खेल एकतर्फी बन्दै गयो।
दोस्रो हाफमा एर्लिङ हालान्ड, फिल फोडेन र साभिन्होले गोल थप्दै सिटीको जितलाई विशाल जित दिलाए। हालान्डको यो गोल करिअरको ३००औं गोल बन्यो।
गत वर्षको बेलन डि’ओर विजेता रोड्रीले सेप्टेम्बरमा घुँडाको लिगामेन्ट सर्जरीपछि पहिलोपटक सुरुआती ११ मा स्थान पाए। उनी खेलको ६६औं मिनेटमा प्रतिस्थापन भए।
जेरेमी डोकुले खेलको नवौं मिनेटमा सिटीका लागि सुरुआती गोल गरेका थिए। युभेन्ट्सका तिउन कुपमेनर्सले दुई मिनेटपछि बराबरी गोल फर्काएका थिए। युभेन्ट्सका लागि दुसान भ्लाहोभिचले ८४औं मिनेटमा अर्को गोल गरे।
-1750996232.webp)
