अभ्यासमा जुट्यो महिला टिम 

काठमाडौं । एएफसी एसियन कप छनोट खेल्न उज्बेकिस्तान पुगेको राष्ट्रिय महिला फुटबल टिमले तयारी सुरु गरेको छ । 

उज्बेकिस्तान पुगेको पहिलो दिन आराम गरेको महिला टिमले भोलिपल्टदेखि सामान्य अभ्यास सुरु गरेको छ । 

अखिल नेपाल फुटबल संघका अनुसार उज्बेकिस्तान पुगेको दोस्रो दिन खेलाडीहरुले सामान्य अभ्यास गरेका छन् । उनीहरुल बिहानको सत्र जिममा बिताएका छन् । 

उज्बेकिस्तानको गर्मीका बीच पहिलो दिन प्रशिक्षकले खेलाडीहरुलाई वाक गराएका थिए । 

एसियन कप खेल्ने सपना सहित उज्बेकिस्तान पुगेको नेपाल समूह एफमा रहेको छ । जहाँ घरेलु टोली उज्बेकिस्तान सहित श्रीलंका र लाओस छन् । 

शीर्ष स्थान हात पार्ने टिमले अर्को वर्ष अष्ट्रेलियामा हुने महिला एसियन कपमा छनोट हुनेछ । 

नेपालले आईतबार लाओसबिरुद्ध खेल्दै छनोट प्रतियोगिताको सुरुवात गर्नेछ ।