पहिलो हाफमा उरुग्वेद्वारा २ - ० को अग्रता, रुस १० खेलाडीमा सिमित

एजेन्सी  । फिफा विश्वकप फुटबलको समूह चरणको आफ्नो अन्तिम खेलको पहिलो हाफमा उरुग्वेले आयोजक रुसविरुद्ध २ - ० गोलको अग्रता बनाएको छ  ।

सामरा एरिनामा १० खेलाडीमा सिमित रुसविरुद्ध उरुग्वेले पहिलो हाफमै २ - ० को अग्रता बनाएको हो । खेलको २३ औं मिनेटमा रुसका डेनिस चेरिसेभले आत्मघाती गोल गरेपछि उरुग्वेले २ - ० को अग्रता बनाएको हो  ।

डिएगो लाजलाटको कडा प्रहार चेरीसेभलाई लाग्दै गोलमा परिणत भएको थियो । यसअघि  लुइस स्वारेजले खेलको १० औं मिनेटमा गोल गर्दै उरुग्वेलाई सुरुवाती अग्रता दिलाएका थिए  ।  उनले फ्रिकिकमा गोल गरे ।

खेलको ३६ औं मिनेटमा रुसका इगोरले दोहोरो पहेलो कार्डसहित रातो कार्ड पाएर मैदानबाट बाहिरिएपछि रुस १० खेलाडीमा सिमित भएको छ ।

 समूह ए मा रहेको उरुग्वे र रुसबीच समूह विजेता बन्ने होडमा रहेका छन् । यो समूहबाट दुई टोली नै नकआउट चरणमा प्रवेश गरिसकेको छ ।