काठमाडौं। नेपाली राष्ट्रिय फुटबल टोलीको पूर्व मुख्य प्रशिक्षक भिन्सेन्जो अल्बर्टो एनिस अफगानिस्तान लागेका छन्।
अफगानिस्तान फुटबल फेडेरेसनले उनलाई मुख्य प्रशिक्षकमा नियुक्त गरेको हो। एनिस प्रशिक्षक भएर आएपछि नेपालले थ्री नेसन्स कपमा तीन, साफ च्याम्पियनसिपमा तीन, विश्वकप छनोटमा सात खेल तथा तीन मैत्रीपूर्ण गरी १६ खेल खेलेको थियो।
जसमा नेपालले जम्मा चार खेल मात्र जितेको थियो। यस्तै, तीन खेल बराबरी खेल्दा १० मा पराजित बेहोरेको थियो। ४० वर्षीय प्रशिक्षक एनिस इटालीका हुन्। उनीसँग बेलिज राष्ट्रिय फुटबल टोली सम्हालेको अनुभव छ।
यस्तै, उनले इन्डोनेसिया, प्यालेस्टाइन, घाना, लिथुआनिया, कोसोभो, बेलारुस र भारतका क्लबलाई समेत प्रशिक्षण दिएका थिए।
उनले एएफसी एसियन कप छनोटको तेस्रो चरणमा जुन १० मा हुने सिरियाविरुद्धको खेलमार्फत अफगानी टोलीको जिम्मेवारी सम्हाल्ने छन्।
