काठमाडौं। सरकारले अन्तर्राष्ट्रिय पदकप्राप्त खेलाडी र तिनका सन्ततिलाई शैक्षिक छात्रवृत्ति प्रदान गर्ने भएको छ। अर्थमन्त्री विष्णुप्रसाद पौडेलले बजेट भाषणमार्फत उक्त जानकारी गराएका हुन्।
‘अन्तर्राष्ट्रिय खेलकुद प्रतियोगितामा पदक प्राप्त नेपाली खेलाडीलाई प्रोत्साहन गरिने छ। यस्ता खेलाडी र उनका सन्ततिलाई शैक्षिक छात्रवृत्ति प्रदान गरिने छ,’ उनले भने।
सरकारले खेलाडी र प्रशिक्षकलाई दिइँदै आएको प्रोत्साहन भत्तालाई पनि निरन्तरता दिएको छ। यस्तै, खेलकुदमा महिला सहभागितालाई बढाउन प्रशिक्षण तथा अभ्यास कार्यक्रम पनि चलाइने पौडेलले जानकारी दिए।
