बंगलादेशको टोलीमा इङ्ल्यान्ड, क्यानडा र इटालीमा जन्मिएका खेलाडी

काठमाडौं। बंगलादेशले एएफसी एसियन कप छनोटअन्तर्गत सिंगापुरविरुद्धको खेल्ने २६ सदस्यीय प्रारम्भिक टोली घोषणा गरेको छ। 

टोलीमा इङ्ल्यान्ड, क्यानडा र इटालीमा जन्मिएका खेलाडीलाई समेटिएको छ। टोलीमा शमित शोम, हम्जा चौधरी र फाहामेदुल इस्लामलाई समावेश गरिएको हो।

हम्जा इङ्ल्यान्डमा जन्मिएका हुन्। शमित क्यानडा र इस्लाम इटालीमा जन्मिएका हुन्। अन्तिम २३ सदस्यीय टोली भने जुन ४ मा भुटानसँग हुने फिफा मैत्रीपूर्ण खेलपछि सार्वजनिक गरिनेछ।

हम्जाले यसअघि मार्च २५ मा भारतविरुद्धको खेलमा अन्तर्राष्ट्रिय डेब्यु गरेका थिए। शमित र इस्लामले जुन १० मा ढाकास्थित नेसनल स्टेडियममा सिंगापुरविरुद्ध डेब्यु गर्ने सम्भावना छ।