नेपाल एएफसी यु–२३ एसियन कप छनोटमा समूह ‘के’ मा

काठमाडौं। नेपाल एएफसी यु–२३ एसियन कप छनोटमा समूह ‘के’ मा परेको छ। 

एसियन फुटबल महासंघ (एएफसी)ले लेसियाको क्वालालम्पुरस्थित एएफसी मुख्यालयमा बिहीबार समूह विभाजन गरेको हो। नेपाल रहेको समूहमा ताजकिस्तान, सिरिया र फिलिसिन्स छन्।

यस समूहको खेल ताजकिस्तानमा हुने एएफसीले जनाएको छ। यस छनोट प्रतियोगितामा ४४ वटा यु–२३ राष्ट्रिय टोली सहभागी हुनेछन्। ती टोलीलाई ११ समूहमा विभाजन गरिएको छ। छनोट चरणका खेल सेप्टेम्बर १ देखि ९ सम्म सञ्चालन हुनेछन्।

प्रत्येक समूहको शीर्ष टोली र चार उत्कृष्ट उपविजेता टोलीले २०२६ मा साउदी अरबमा आयोजना हुने प्रतियोगितामा स्थान बनाउनेछन्। आयोजक राष्ट्र साउदी भने सिधै छनोट भइसकेको छ।