अपराजित रहँदै आर्मी सेमिफाइनलमा

काठमाडौं। अपराजित रहँदै  विभागीय टोली नेपाल आर्मी राष्ट्रिय हक्की प्रतियोगिताको पुरुषमा आइतबार सेमिफाइनलमा प्रवेश गरेको छ। 

च्यासल मैदानमा भइरहेको प्रतियोगिताको समूह ‘ए’ को लिग खेलमा आर्मीले कोशी प्रदेशलाई ३–० गोलले पराजित गर्‍यो। आर्मीका लागि कासीराज राई, दीपेन्द्र ऐर र राजेन्द्र कार्कीले समान १–१ गोल गरे। 

राजेन्द्र ‘प्लेयर अफ द म्याच’ घोषित भए। यसअघि समूह चरणको खेलमा आर्मीले गण्डकी प्रदेश र मधेश प्रदेशलाई हराएको थियो। आइबार तीन खेल हुनु पर्नेमा वर्षाका कारण दुई खेल मात्र सम्भव भए। 

पुरुषमा नेपाल प्रहरी र बागमती प्रदेश तथा महिलामा आर्मी र गण्डकीबीचको खेल वर्षाले गर्दा प्रभावित भयो। यी दुईसँगै सोमबार पाँच खेल हुनेछ। बाँकी तीन खेल पुरुषतर्फ गण्डकी र मधेश तथा कर्णाली प्रदेश र एपीएफ क्लबबीच हुनेछ। महिलामा मधेशले बागमतीविरुद्ध प्रतिस्पर्धा गर्नेछ।