बुटवल। विभागीय टोली नेपाल पुलिसले मदन भण्डारी गोल्डकप रनिङ शिल्ड इन्डो नेपाल पुरुष भलिबल च्याम्पियनसिपमा विजयी सुरुआत गरेको छ।
बुटवलको रामनगर खेलमैदानमा बुधबार भएको उद्घाटन खेलमा प्रहरीले आयोजक मदन भण्डारी स्पोटर्स एकेडेमीलाई ३–१ को सेटले पराजित गरेको हो।
पुलिसले पहिलो सेट २५–२२ र दोस्रो सेट २५–२० ले जितेको थियो। तर, निकै नै प्रतिस्पर्धात्मक तेस्रो सेट भने ३२–३४ गुमायो। तर, चौथो सेटमा पुनरागमन गर्दै खेल २५–१८ ले आफ्नो पक्षमा पार्यो।
प्रतियोगिता बिहीबार तीन खेल हुनेछन्। पहिलो खेलमा त्रिभुवन आर्मी र भारतीय गुजरात स्टेट भलिबल एसोसिएसन भिड्नेछन्। दोस्रो खेलमा रुकुमपश्चिम भलिबल प्रशिक्षण केन्द र मणीमुकुन्द भलिबल क्लब तथा अन्तिम खेलमा एपिएफ र गल्कोट भलिबल क्लब खेल्नेछन्।
