एजेन्सी । फिफा विश्वकप फुटबलमा अहीले जारी पोल्याण्ड र कोलम्बियाबीचको खेलको पहिलो हाफ सकिएको छ । पहिलो हाफको खेल सकिदा कोलम्बियाले सुरुवाती अग्रता बनाएको छ ।
कजान एरिनामा खेलको ४० औं मिनेटमा यरी मिनाले गोल गर्दै कोलम्बियालाई सुरुवाती अग्रता दिलाएका हुन् । उनले हेडबाट उकृष्ट गोल गरे ।
जारी खेलमा दुई टोली पहिलो जित निकाल्ने लक्ष्यसहित मैदान प्रवेश गरेका छन् । पहिलो खेलमा पराजित भएको दुवै यो खेल जित्दै दोस्रो चरणमा पुग्ने सम्भावना कायम राख्न चाहन्छ ।
पोल्याण्ड आफ्नो पहिलो खेलमा सेनेगलसंग २–१ ले हारेको थियो । कोलम्बिया पहिलो खेलमा जापानसंग २–१ ले पराजित भएको थियो । समूह एचमा दुवै टोली अंक बिहिन रहेका छन् ।
-1746340757.jpeg)
-1746330123.webp)
