पहिलो हाफमा जापान र सेनेगल १-१ को बराबरीमा

एजेन्सी । फिफा विश्वकप फुटबलमा जापान र सेनेगलले  पहिलो हाफमा १ - १ गोलको बराबरी खेलेको छ । 

एक्टेरीङबर्ग स्टेडियममा सेनेगलले लिएको अग्रता उल्टाएर जापानले बराबरी खेलेको हो । ताकासी इनुईले गोल गर्दै जापानलाई खेलमा फर्काएका हुन् ।  खेलको ३४ औं मिनेटमा ताकासीले गोल गर्दै खेल १ - १ को बराबरीमा ल्याएका हुन्  । यस अघि खेलको ११ औं मिनेटमा साडियो मानेले गोल गर्दै सेनेगललाई अग्रता दिलाएका हुन्  । जापानको किपरले पन्च गरेर क्लियर गर्न खोजेको बल मानेलाई ठोक्किएर गोल भएको थियो ।

जारी खेलमा दुवै टोली ३ अंक प्राप्त गर्ने लक्ष्यसहित मैदानमा उत्रिएका छन् । र, पहिलो खेलको जितले दुवै उत्साहित रहेका छन् ।दुवै टोली ३ अंक जोड्दै नकआउट चरणमा पुग्न चाहन्छ । 

एसियाली पावर हाउस जापानले पहिलो खेलमा कोलम्बियालाई २ - १ ले पराजित गरेको थियो । सेनेगलले पोल्याण्डलाई २ - १ ले नै हराएको थियो ।