हारबाट जोगियो चेल्सी

काठमाडौं। म्यानचेस्टर युनाइटेड र चेल्सीले इङ्लिस प्रिमियर लिगमा बराबरी खेलेका छन्।

ओल्ड ट्राफोर्डमा आइतबार राति भएको खेल १–१ को बराबरीमा सकिएको हो। योसँगै चेल्सी १० खेलबाट १८ अंकसहित चौथो स्थानमा उक्लिएको छ। १२ अंक जोडेको युनाइटेड १३औं स्थानमा छ।

७०औं मिनेटमा ब्रुनो फर्नान्डेजले पेनाल्टीमा युनाइटेडलाई अग्रता दिलाएका थिए। तर, त्यसको चार मिनेटपछि नै चेल्सी मोइसेस काइसेडोको गोलमार्फत खेलमा फर्कियो।