इङ्ल्यान्डविरुद्ध सन्दीपले प्रहार गरे अर्धशतक

काठमाडौं। नेपाली टोलीका कप्तान सन्दीप जोराले  हङकङ सिक्स क्रिकेट प्रतियोगितामा अर्धशतक पूरा गरेका छन्। इङ्ल्यान्डले दिएको ९८ रनको लक्ष्य पछ्याउने क्रममा उनले अर्धशतक प्रहार गरेका हुन्।

जारी प्रतियोगितामा यो नै पहिलो अर्धशतक हो। उनले १२ बलमै अर्धशतक प्रहार गरेका हुन्। त्यसक्रममा उनले चार चौका र ६ छक्कासहित ५० रन बनाए। उनी अविजित रहे।

यद्यपि, ५० रन पूरा गरेपछि रिटायर्ड हर्ट हुनुपर्ने नियमका कारण उनले कृज छाड्न परेको थियो।