काठमाडौं महानगरले तीन स्थानमा प्रत्यक्ष प्रशारण गर्ने

काठमाडौं। काठमाडौं महानगरपालिकाले साफ महिला च्याम्पियनसिप २०२४ को फाइनलमा विभिन्न ठाउँबाट प्रत्यक्ष प्रसारण देखाउने भएको छ।

त्रिपुरेश्वरस्थित दशरथ रंगशालामा साँझ ६:३० बजे साबिक विजेता बंगलादेश र नेपाल उपाधिका लागि भिड्दैछन्। 

यो खेल हेर्न धेरै दर्शकहरूलाई चाहना छ । तर, रंगशाालामै पुगेर खेल हेर्ने अवसर सबैलाई प्राप्त हुन कठिन देखिएको छ। त्यसैकारण महानगरले टुँडिखेल, चावहिलको फुटबल ग्राउण्ड र सानो गौचरन (हाँडीगाउँ) मा एलइडी स्क्रिनबाट फाइनल खेलको प्रत्यक्ष प्रसारण गर्ने व्यवस्था मिलाएको हो।