मानेको गोल, जापानविरुद्ध सेनेगलको अग्रता

एजेन्सी । फिफा विश्वकप फुटबलमा अहिले जारी खेलमा एसियन राष्ट्र जापानबिरुद्ध दक्षिण अफ्रिकी राष्ट्र सेनेगलले सुरुवाती अग्रता बनाएको छ  । 

एक्टेरीङबर्ग स्टेडियममा खेलको ११ औं मिनेटमा साडियो मानेले गोल गर्दै सेनेगललाई अग्रता दिलाएका हुन्  । जापानको किपरले पन्च गरेर क्लियर गर्न खोजेको बल मानेलाई ठोक्किएर गोल भएको थियो ।

जारी खेलमा दुवै टोली ३ अंक प्राप्त गर्ने लक्ष्यसहित मैदानमा उत्रिएका छन् । र, पहिलो खेलको जितले दुवै उत्साहित रहेका छन् ।दुवै टोली ३ अंक जोड्दै नकआउट चरणमा पुग्न चाहन्छ । 

एसियाली पावर हाउस जापानले पहिलो खेलमा कोलम्बियालाई २ - १ ले पराजित गरेको थियो । सेनेगलले पोल्याण्डलाई २ - १ ले नै हराएको थियो ।