स्कटल्यान्डका म्याकमुलेनले सुदूरपश्चिमबाट एनपिएल खेल्ने

काठमाडौं। स्कटल्यान्डका अलराउन्डर ब्रान्डन म्याकमुलेनले सुदूरपश्चिम रोयल्सबाट नेपाल प्रिमियर लिग (एनपिएल) खेल्ने भएका छन्।

ईम्पायर स्पोर्टस म्यानेजमेन्ट प्रालिको स्वामित्वमा रहेको सुदूरपश्चिमले आफ्नो पहिलो विदेशी खेलाडीको रूपमा २५ वर्षीय म्याकमुलेनलाई भित्राएको हो। विस्फोटक ब्याटिङ र तीव्र गतिका बलिङ क्षमताले चर्चित  म्याकमुलेनको आगमनले टोली तप बलियो हुने सुदूरपश्चिमले विश्वास गरेको छ।

म्याकमुलेनले स्कटल्यान्डको राष्ट्रिय टोलीबाट २२ एकदिवसीय खेल खेलेका छन्। जसमा उनले ७२१ रन बनाएका छन्। यही फर्म्याटमा उनले ३० वटा विकेट पनि लिएका छन्।

यसैगरी, १६ टी–२० आईमा उनले ६ अर्धशतकसहित ४९७ रन बनाएका छन्। उनले यो फर्म्याटमा दुई विकेट पनि लिएका छन्। सुदूरपश्चिम रोयल्सको मार्की खेलाडी राष्ट्रिय टोलीका प्रभावशाली अलराउन्डर दीपेन्द्रसिंह ऐरी हुन्। एनपिएपल आगामी मंसिर १५ देखि पुस ६ सम्म आयोजना हुँदैछ।