एशेज : पर्थमा पहिलो खेल, ब्रिस्बेनमा डे–नाइट टेस्ट

काठमाडौं। क्रिकेट अस्ट्रेलिया (सिए) ले २०२५–२६ को एसेज शृंखलाको खेल तालिका सार्वजनिक गरेको छ। पाँच खेलको टेस्ट शृंखलाको पहिलो खेल नोभेम्बर २१ देखि २५ सम्म पर्थमा हुनेछ।

शृंखलाको एकमात्र डे–नाइट टेस्ट म्याच ब्रिस्बेनमा हुनेछ। यो शृंखलाको दोस्रो खेल हुनेछ, जुन डिसेम्बर ४ देखि ८ सम्म हुनेछ।

शृंखलाको तेस्रो खेल एडिलेडमा १७ देखि २१ डिसेम्बरसम्म हुनेछ भने परम्परागत बक्सिङ डे टेस्ट मेलबर्नमा २६ देखि ३० डिसेम्बरसम्म हुनेछ। शृंखलाको अन्तिम टेस्ट खेल नयाँ वर्षको टेस्टको रुपमा जनवरी ४ देखि ८ सम्म सिड्नीमा हुनेछ।

यसअघि डे–नाइट टेस्ट परम्परागत रूपमा एडिलेडमा हुने गरेको थियो। जहाँ २०१७–१८ र २०२१–२२ को एशेज पिंक बल टेस्ट खेलाइने भए पनि अब ब्रिस्बेनमा हुनेछ। शृंखलाको पहिलो खेल ब्रिस्बेनमा भएको थियो भने अब पर्थबाट सुरु हुनेछ। सन् १९८२–८३ पछि पहिलो पटक एशेजको पहिलो खेल ब्रिस्बेनको सट्टा पर्थमा हुने भएको छ।

गाब्बा, ब्रिस्बेनले यसअघि तीन डे–नाइटको टेस्टको आयोजना गरिसकेको छ। यस वर्षको सुरुमा वेस्ट इन्डिजसँग डे–नाइट टेस्ट म्याच पनि भएको थियो।